بسم الله الرحمن الرحيم
طيب يا جماعة اهم حاجة ما تقلقوش وكل استفساراتكم هتجاب ان شاء الله واطمئنوا
خالص وحتى لو لسة مقريتوش النوفل كلها لحد دلوقتى ما تخافوش لسة فيه وقت المهم عدم
التاجيل والتراخى ونبدا بهمة كده وان هقوللكم تعملوا ايه عشان تتشجعوا ان شاء الله
واسمحولى ابدا بسؤال kenzy لأنه اعم من السؤال الاول
انا مش بذاكرها :: يمكن عشان مش فاهمة تعملى ايه وبعد ما اقوللك واوجهك وادللك ملكيش حجة بقى ان شاء الله وتذاكريها بنفس مفتوحة وتجيبى تقدير كمان
ولا بفهم فيها حاجة::: ده يرجع لان الدكاترة مش بيشرحوها حلو اوى --- ان مليانة مفردات صعبة
ان فيها تفاصيل كتير (وكل ده هتكللم عنه قدام)
ومش فاهمة ايه المطلوب منى ::::
حاضر هقوللك حالا)
--------------------
دلوقتى ايه المطلوب منى فى النوفل؟؟؟؟؟؟؟؟
المطلوب ::: ان الكوتيشنز اللى دكتور محمود عباس او دكتور امانى يعللموا عليها
تعمليلها تحليل كامل full analysis بسسسسسسسسسس
يعنى انتى مش مطالب منك غير ان تعملى تحليل للكوتيشنات اللى هو معللم عليها
وتحفظى التحليل ده وتخشى الامتحان تشوفى انهى كوتيشن جايبه وتروحى كاتبة التحليل اللى انتى حافظاه
يعنى لازم تكونى محضرة ورق انتى كاتباه فيه تحليل الكوتيشنز وتجهزيه كده وتحفظيه وده يبقى مذاكرتك
------------------------------------------------------
ازاى احلل الكوتيشن؟؟؟؟
1 ذكر الشخص اللى قال الكوتيشن والشخص اللى اتقاله الكوتيشن
(المتحدث والمتحدث اليه يعنى)
مثلا دارسى بيكلم اليزابث
2 شرح الكوتيشن ( تشرح يعنى انه كان بيتكللم عن كذا وهى ردت قالت كذا)
بحيث تثبت انك فاهم الكوتيشن
" وده يتطلب طبعا انك تترجم الكلمات الصعبة اللى فى كل كوتيشن وتكون فاهمها كويس
عشان بالتالى تشرح كويس"
3 ذكر الشخصيات المذكورة فى الكوتيشن ( ان تم ذكر شخصيات ) وتحليلهم
فيما لا يزيد عن سطرين لكل شخصية الى جانب تحليل شخصية المتحدث والمتحدث اليه
ايضا فيما لا يزيد عن سطرين
4 ذكر مناسبة الكوتيشن( يعنى الكوتيشن ده حصل فى ظروف كذا بعد ما حصل كذا
ولما قاله حصل كذا)
5 ربط الكوتيشن بالثيم
( فيه ثيمين فى القصة love and marriage-----appearance against reality)
( وممكن الكوتيشن ما ينفعش يتربط بالثيم يبقى خلاص )
بسسسسسسسس كده
------------------------------------------
السؤال بتاع lovely girl
ايه الفرق بين تحليل الشخصيات وبين النقد؟؟؟؟
تحليل الشخصيات هو اللى انا قلته فوق ده انك تكتبىة سطرين تلاتة عن كل شخصية
اللى قال واللى اتقالله واللى مذكور فى الكوتيشن
النقد هو انك تجيبى حاجة عن النوفل من النت او من كتاب حاجة الدكتور مش هو اللى قايلها
ولا انتى مالفاها حاجة من مصدر خارجى سواء كتاب او نقد
والنقد ده بيعللى درجتك جداااااااااااااااااااااااا بس مش شرط تجيبى كلام وتكتبى فى الاخر كده
النقد:: وتروحى كاتبه الكلام , لا ده غلط لازم توظفى النقد صح
يعنى لو جايبة نقد على الثيم ( يعنى كلام من النت او من كتاب على الثيم) تروحى كاتباه
وانتى بتربطى الكوتيشن بالثيم
وهكذا يعنى
-----------------------------------------
اتمنى اكون ريحتكم شوية
وارحب باى اسئلة تانية عن اى حاجة ...
وربنا معاكم انا عارف اولى صعبة واكيد عدى عليكم مرات ياستوا كتير
ما تستلمش للياس ولازم تعرفوا ان الكلية مختلفة تمامااااااااااا فى كل حاجة عن ثانوى
وانا جاهز لاى استفسارات اخرى عن اى حاجة وعن النوفل برضه لانها المادة الوحش الترم ده
وربنا معاكم,,,
لكن النقد
بردك يعنى هو ااايه معناه بالعربى اصلا
او بمعنى اخر هو بنتكلم فيه عن ايه بالضبط!!!
النقد يعنى ان فيه واحد متخصص فى دراسة الادب الانجليزى او واحد بيدرس الادب الانجليزى
فى جامعات اوروبا وامريكا وقرا النوفل دى و كتب عليها مقالات او كتب كتاب
او كتب مقال على الانترنت فانتى مثلا اشتريتى كتاب بيتكللم عن الادب الانجليزى
ولقيتى فيه فقرة عن النوفل دى فرضا البرايد هو ده النقد
الخلاصة يعنى ان النقد معناه بالعربى كتابات النقاد عن العمل الادبى ده
هضربلك مثل اكتر يوضحلك فرضا مثلا احمد السقا عمل فيلم جديد
راح مثلا الناقد والكاتب الصحفى طارق الشناوى دخل الفيلم شافه
راح كاتب عليه مقالة فى الجرنان ,المقالة دى اسمها نقد, ليه؟؟؟ لانها صادرة
من راجل فاهم فى الاعمال السينمائية( وهنا فاهم فى الادب) وفى صناعة السينما شاف الفيلم
(وهنا قرا النوفل) وراح كاتب حاجة عليه
مش شرط عشان اسمه نقد يبقى ذكر عيوب لا اطلاقااااااا مكن يبقى ذكر مزايا
او مجرد راى الاديب فى النوفل
النقد ده معناه انك تجيبى ماتيريال( عشان ما تقوليش مش عارفة ماتيريال materials
يعنى الحاجات اللى هتجيبيها سواء من النت او من الكتب )عن النوفل اللى بتدرسيها
انتى ممكن مثلا تجيبى برجراف بيتكللم عن النوفل عامة من النت وتحطيه مقدمة فى اجابتك
فى الامتحان كده يبقى انتى جبتى نقد ودرجتك هتزيد
---لو فاهمة يبقى تمام لو مش فاهمة عادى جداااااااا قوليلى اوضحهولك تانى
--------------------------------
2-
5 ربط الكوتيشن بالثيم
( فيه ثيمين فى القصة love and marriage-----appearance against reality)
( وممكن الكوتيشن ما ينفعش يتربط بالثيم يبقى خلاص ) جديدة حكايه انه لو ماينفع مع الكوتيشين اى ثيم
يبقى خلاص....مااااحدش اخبرنا
دايما يقولوا يادة يادة!!!!!
انا السنة اللى فاتت قالولنا كده وطبعا لو مينفعش خلاص لان مش هربط الكوتيشن بالثيم بالعافية
يعنى مثلا اول كوتيشن متعللم عليه خالص فى اول النوفل ده ممكن يتربط بثيم الزواج والحب
ولكن فى كوتيشنات تانية مينفعش------------------------------------
اخر شئ اذا سمحت ايه حكايه
"point of you"
هل تتبع خطوات التعليق على الكوتيشن؟؟؟
اولا هى كتابتها مش كده كتابتها ::
"point of view"
ومعناها وجهة النظر ودى ممكن تتضاف فى تحليل الكوتيشن
اشرحلك معناها بالامثلة
she explained the matter to me from her point of view
معناها: قالت لى وجهة نظرها عن الموضوع
او اخبرتنى الموضوع من وجهة نظرها
وده يعنى انك ممكن تعبرى عن وجهة نظرك فى الاجابة